طوخ الأقلام
لو انت غاوي لو لنت ناوي تشوف وتسمع عن القهاوي قرب وجرب وشوف حكايه ولو حكاية من حكاوي القهاوي
طوخ الأقلام
لو انت غاوي لو لنت ناوي تشوف وتسمع عن القهاوي قرب وجرب وشوف حكايه ولو حكاية من حكاوي القهاوي
طوخ الأقلام
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


طوخ الأقلام
 
الرئيسيةكله يقول رايه ونكفل حريه الاراء I_icon_mini_portalأحدث الصورالتسجيلدخول
اهلا بكم شباب طوخ الاقلام الكرام منورين النت والفيس بوك وكله تمام وزي الفل

 

 كله يقول رايه ونكفل حريه الاراء

اذهب الى الأسفل 
2 مشترك
كاتب الموضوعرسالة
القلب الجريح
شيخ حارة
القلب الجريح


عدد المساهمات : 59
تاريخ التسجيل : 20/05/2009
العمر : 34

كله يقول رايه ونكفل حريه الاراء Empty
مُساهمةموضوع: كله يقول رايه ونكفل حريه الاراء   كله يقول رايه ونكفل حريه الاراء Emptyالسبت مايو 01, 2010 9:07 pm

بسم الله الرحمن الرحيم

اعتقد لا اعتقد ايه ده اعتقادنا كلنا اننا البيئه اللى نكون عايشين حتى لو كانت مجرد قريه انها تكون بتوفر لينا وسائل المعيشه المناسبه واننا نكون راضيين من جوانا عليها من حيث التعليم والصحه والمواصلات واكيد الرياضه

ياترى انتم رايكم ايه؟؟؟؟؟؟؟؟؟ Rolling Eyes

يا ترى شايفيين ايه ناقص بلدنا يا ترى مدرسه؟؟؟؟ scratch اه عندنا مستشفى بس الخدمه فيها 100%؟؟؟؟؟؟؟؟؟؟؟؟؟؟؟؟قولو ارائكم عاوزين البلد دى تتطور بجد .

طلعت ناس كتير وناس كبار مش مهم بقى عملولها ايه ومعملولهاش ايه.........

بس احنا فى ايدينا نحط لنفسنا اراء ممكن تبقى خطط فى التطوير لبلدنا

واحد يقولى انت هتصدعنى ليه وانا مالى ولما تتطور هستفيد ايه؟؟؟؟؟؟؟؟

طيب ياسيدى انا جاتلى فكره هى غريبه بس ممكنه...اسمعونى واشترو منى......

مشكله الشباب دلوقتى اكيد فى الشغل ولسه فى السنين الجايه هتبقى مشكله المشاكل المشاكل فجانى فكره غريبه بس ممكنه

انه ليه ميكونش فيه مكتب فى طوخ مهمته البحث والاستقصاء عن الوظايف فى جميع انحاء الجمهوريه ويعمل اعلانات فى البلد (انا شخصيا شايف انها فكره جميله جدا)وكمان المكتب ده هيحاول يقوم بالتسهلات فى المسائل دى

دى مجرد فكره جت فى دماغى ممكن تتحقق وممكن لا بس اقصد اننا كل واحد يقول الايجابيات اللى ممكن نعملها والسلبيات اللى عاوزين نشيلها

قولو مش هتخسرو حاجه وهنكسب اكيد افكار كتير............
الرجوع الى أعلى الصفحة اذهب الى الأسفل
ابو زاهر
شيخ حارة



عدد المساهمات : 38
تاريخ التسجيل : 23/05/2010

كله يقول رايه ونكفل حريه الاراء Empty
مُساهمةموضوع: مكتب أيه ياراجل   كله يقول رايه ونكفل حريه الاراء Emptyالأربعاء يونيو 02, 2010 3:04 am

أولا هى فكره ممتازه لو مشيت صح ولكن ......!!!!!!!!!!
أولا المكتب لو أنشأ راح يخدم ولاد الأكابر فى البلد
أما ولاد الأيـــه يأخذوا وعود زائفه
مش راح ينفع اللى يقدر يخدم ....يخدم بدون مكتب يا غالى
وياما خدمنا بتوع البلد وفى النهايه مهموز محترم ..
[b]
الرجوع الى أعلى الصفحة اذهب الى الأسفل
القلب الجريح
شيخ حارة
القلب الجريح


عدد المساهمات : 59
تاريخ التسجيل : 20/05/2009
العمر : 34

كله يقول رايه ونكفل حريه الاراء Empty
مُساهمةموضوع: معاك لكن   كله يقول رايه ونكفل حريه الاراء Emptyالأربعاء يونيو 02, 2010 8:47 pm

انا معاك ان اى حاجه فى البلد دى لا مش البلد بس دى الجمهوريه كلها وسايط وصباح الفل يا باشا وهكذا بس انا اللى بتكلم عنه النظام لان عدم وجود هيئه او جهه معينه ده هيخلى الموضوع عشوائى وبعدين وجود مكتب زى كده هيوسع دائره البحث اكتر وكل اللى هيعرف معلومه المفروض انه يروح ويسجلها فيه

النظام هوه سر التقدم عشان كده الغرب اتطور عننا بالنظام وامريكا بتخش الدول العربيه بالنظام فناول نجرب النظام

الف شكر على ردك
الرجوع الى أعلى الصفحة اذهب الى الأسفل
ابو زاهر
شيخ حارة



عدد المساهمات : 38
تاريخ التسجيل : 23/05/2010

كله يقول رايه ونكفل حريه الاراء Empty
مُساهمةموضوع: طوخ   كله يقول رايه ونكفل حريه الاراء Emptyالخميس يونيو 03, 2010 2:43 am

أنت تعرف طوخ الأقلام دى أنا مسميها أيه على كل المواقع المشترك بها
(( جمهوريه طوخ الأقلام الحره )) وأفتخر بأننى منها واليك القليل
أحبك يـــاطوخ
***** شعر / أبو زاهر
أحبك ياطوخ رغم المسافات
رغم المتاهات
رغم الآهات
رغم المحن
أحبك يا طــــوخ
أحبك ياطوخ كلمة اخترقت الجدران
أرتوى بها الظمآن
عبـرت حاجــــز الزمــــــن !!
أحبــــك يا طوخ كلمة أكتبها
أعيشها
أرددهـــا
أحبك يا طـوخ!!!!

أحبك ياطوخ
وأعشق ولادك
يا أم الخير
يانبـــــع الحنان
احبك يا طـوخ الاقلام
الرجوع الى أعلى الصفحة اذهب الى الأسفل
القلب الجريح
شيخ حارة
القلب الجريح


عدد المساهمات : 59
تاريخ التسجيل : 20/05/2009
العمر : 34

كله يقول رايه ونكفل حريه الاراء Empty
مُساهمةموضوع: اشكرك بالنيابه عن ابناء بلدى   كله يقول رايه ونكفل حريه الاراء Emptyالخميس يونيو 03, 2010 8:59 pm

كلمات جميله ورقيقه فعلا يا ابو زاهر تدل على حب فعلا للبلد دى وفعلا اللى بيشارك فى المنتدى ده هوه اللى بيحب البلد دى بجد مش اللى مكبر

قلم (القلب الجريح)

اشكر قلما قد سطر الصفحات

ومن قبله عقلا قد وزن الكلمات

ومن قبله وجدانا يحمل من الذكريات

لبلد يحاول جاهدا وضعه فى اعلى المقامات

ويقسم ان يظل على العهد رغم ما كان من الاهات

فيا بلدى المحبوبه رغم المحن تقلبات الزمن

سنظل نحلم بفجر جديد ولن نبكى على ما فات

****
معلش اصلى لسه على قدى وابويا مش راضى يغششنى......

تسلم ايدك يا ابو زاهر
الرجوع الى أعلى الصفحة اذهب الى الأسفل
ابو زاهر
شيخ حارة



عدد المساهمات : 38
تاريخ التسجيل : 23/05/2010

كله يقول رايه ونكفل حريه الاراء Empty
مُساهمةموضوع: متقو له يابا   كله يقول رايه ونكفل حريه الاراء Emptyالجمعة يونيو 04, 2010 2:59 am

متقول له يابا وأحكى له
مكسوف تقو ل له دا حفيدك
ما قلت لى أجهز بفاسك
وهات حمارك و البس مداسك
من النهارده حافى ح تمشى
تشوف ولا تشوفشى .......
[b]
الرجوع الى أعلى الصفحة اذهب الى الأسفل
القلب الجريح
شيخ حارة
القلب الجريح


عدد المساهمات : 59
تاريخ التسجيل : 20/05/2009
العمر : 34

كله يقول رايه ونكفل حريه الاراء Empty
مُساهمةموضوع: روحتله وقلتله   كله يقول رايه ونكفل حريه الاراء Emptyالجمعة يونيو 04, 2010 5:17 pm

مجر مداعبه لابو زاهر وان كان ليك اى اعتراض امسحها علطول..........اوك؟؟؟


روحتله وقتله

وفى مكتبه دخلته

وعن قلبى فتحتله

قال:لخص ورانا مشاوير

قلت حاضر تؤمر يا كبير

قالتى صفته؟؟

قلتله الشغله شاعر

قالى اسمه؟؟

قلتله ابو زاهر

وكلامه فى الشعر فاجر

قالى شاعر؟؟

الله يسامحك يا ابو زاهر

قلتله ليه بس يابا

قالى الشعر يا ابنى اصله كافر

لا بيخلى اللى راكب راكب

ولا اللى ساير ساير

ويخليك عصفور مهاجر

قلت ياااااااااه مانت شاعر؟؟

قالى يا ابنى كان ومن غير الزمن ده

كان فى الفجريه الديك بينده

نطلع الغيط فى الصبحيه والشمس صافيه

حتى البهيمه فى الفسقيه كان فيها عافيه

قالى يا ابنى ده زماننا انا وابو زاهر

كانت اصل الحكايه و الروايه ان كنت فاكر

الله يسامحك يا ابو زاهر؟؟

قلتله ليه تانى يا با

قالى يا ابنى خش زاكر

قلت شايفنى مقطع الدفاتر

احكيلى عن زمنكم زمن المشاعر

قالى يا ابنى الزمن اتغير

دش واغانى وشئ يحير

بقى الكبير شكل الصغير

قلتله يعنى مش عاوزنى اطلع شاعر

زى ابو زاهر

قالى يا ابنى ابقى شاعر

اوعى تنسى انه طريقه واعر

الله يسامحنا يا ابو زاهر
الرجوع الى أعلى الصفحة اذهب الى الأسفل
ابو زاهر
شيخ حارة



عدد المساهمات : 38
تاريخ التسجيل : 23/05/2010

كله يقول رايه ونكفل حريه الاراء Empty
مُساهمةموضوع: قول له يابا   كله يقول رايه ونكفل حريه الاراء Emptyالسبت يونيو 05, 2010 2:50 am

أسأل عليك مين
يا بن الأكابر
انا حاير
أنا داير فى سواقى طوخ
أنا العرقان
أنا العطشان
وأنت اللى كنت بتبل ريقى
وريق الغلابه العطشانين
من ترعة المجنونه كان أسمك
وفى عزبة جحا من حوارى طوخ كان حسك
بيلم جرح المطحونين
وأسأل عليك مين
يا بن الأكابر


[b]
الرجوع الى أعلى الصفحة اذهب الى الأسفل
 
كله يقول رايه ونكفل حريه الاراء
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
طوخ الأقلام :: القهوة-
انتقل الى: